காக்கை குருவி எங்கள் ஜாதி

அந்தக் காலத்தில் புதுவைக் கடலோரம்,
மகாகவியின் எண்ண அலைகள்:

காக்கை குருவி எங்கள் ஜாதி
நீள்கடலும் மலையும் எங்கள் கூட்டம்
நோக்கும் திசையெலாம் நாமன்றி வேறில்லை
நோக்க நோக்க களியாட்டம்

- ஜெய பேரிகை, பாரதி ஞானப் பாடல்கள்


நன்றி:

பாரதியின் கவிதைகளின் வலைப்பதிவு

http://enbharathi.blogspot.com

http://enbharathi.blogspot.com/2009/04/2_24.html

ஞானப் பாடல்கள்
2. ஐய பேரிகை

ஐய பேரிகை கொட்டடா!-கொட்டடா
ஐய பேரிகை கொட்டடா!

1.  பயமெனும் பேய்தனை யடித்தோம்-பொய்ம்மைப்
        பாம்பைப் பிளந்துயிரைக் குடித்தோம்;
    வியனுல கனைத்தையும் அமுதென நுகரும்
        வேத வாழ்வினைக் கைப் பிடித்தோம்
                                            (ஐயபேரிகை)
2.  இரவியினொளியிடைக் குளித்தோம்-ஒளி
        இன்னமு தினையுண்டு களித்தோம்;
    கரவினில் வந்துயிர்க் குலத்தினை யழிக்கும்
        காலன் நடுநடுங்க விழித்தோம்.
                                            (ஐயபேரிகை)
3.  காக்கை குருவி எங்கள் ஜாதி-நீள்
        கடலும் மலையும் எங்கள் கூட்டம்;
    நோக்குந் திசையெலாம் நாமன்றி வேறில்லை;
        நோக்க நோக்கக் களியாட்டம்.